Sa'n tritich jier lyn, doet in pilske yn it kafé as in pakje sjek
noch fl 1.25 (€ 0.57) die en guon al in “mobyle” hiene
yn de foarm fan in breeky breeky 27 MC bakje,
wie Koudum in jier as wat yn de besnijing fan de eterpiraten.
Sy hiene nammen as: "Butterfly", "Lord Wanhoop", "Goldfinger",
"Goudvink" en "De Súdwester".
De bekendste wiene “De Hofkesjonger”, letter "De Frisiana”,
alias Romke Kroondijk "De Butterfly" fan Sipke Bakker
en "Kees Snelbinder" fan bakker Uilke de Vries.
Fersykplaten koene oanfrege wurde bij skuonmakker
Ybo de Boer en letter by Wiebe Hindriks en Jappe Roosjen.
Doe't Hilversum troch staking in dei plat lei seach Romke
syn kâns, hy hat de hiele dei radio makke fanút syn studio
yn de hoannebalken fan de pleats.
Op it hichtepunt makke hy in LP “Frisiana Festival”
mei regionale muzikanten. De opnamen wiene yn de Klink
yn 1981, Piebe Bakker die de klankrezjy,
boargemaster Ties Elzinga krige it earste eksimplaar.
Op dy LP û.m. "Het lied van de Koudumer piraten" fan
"De Goldstars". Romke en Uilke stjoere noch altiid de
muzyk út dêr’t se fan hâlde mar se dogge dat legaal
sûnt sy by RTN oan de slach giene yn 1997.
De Warkumer piraat Atze de Groot gie ek by RTN oan
de slach. Op de website fan De Frisiana stiet ynformaasje
oer de RTN programma’s fan de eks piraten en
binne de útstjoeringen noch 14 dagen neitiid del te laden.